Ален Хасановиќ на интервју со дедо: „Мојот дедо би бил многу горд зошто сум го остварил својот сон“

Овојпат на интервју со дедо го имаме талентираниот внук Ален Хасановиќ.

Пејачот на дедо уште од мали нозе ја сака музиката.

Ален учествувал на повеќе фестивали и музички шоуа, а ја прикажа Македонија во најдобро светло и во „Ѕвездите на Гранд“, каде беше еден од милениците на публиката и жирито.

Погледнете што внукот на дедо ни кажа во интервјуто.

Ален Хасановиќ со дедо му
                                                                       Ален Хасановиќ со дедо му

Дедо: Внучко опиши го твојот дедо со три зборови?

Ален: Добар,Чесен,Верник

Дедо: Кажи ми внуче кое е омиленото место на кое те носеше твојот дедо?

Ален: Искрено дедо, имаше многу места каде што одев со мојот дедо посебно се сеќавам кога ме носеше на прошетка на некоја планина и секогаш ќе се сеќавам на тие убави денови.

Ален Хасановиќ

Дедо: Внуче по која поговорка ќе го памтиш својот дедо?

Ален: Дедо ми често знаеше да ми каже: „Сине биди секогаш добар и чесен со луѓето затоа што се поминува, а она добро што ќе го направиш засекогаш ќе остане“.

Дедо: Внуче кој ти е омилен спомен со твојот дедо?

Ален: Искрено,со мојот дедо имам многу спомени и сите доживувања ми биле прекрасни и не би можел да издвојам нешто посебно.

Ален Хасановиќ

Дедо: Внучко со што си го направил горд твојот дедо?

Ален: Мојот дедо секогаш беше горд со мене затоа што секогаш сум ги вреднувал оние работи што тој ме подучувал,иако денес е таму негде каде што Господ чува посебно место за добрите луѓе,и да е тука меѓу нас знам дека би бил многу горд затоа што сум го остварил својот сон и сум успеал во животот да бидам она што тој најмногу посакуваше,а тоа е добар и остварен човек!

Ален Хасановиќ