На интервју со Дедо: Што побара македонската естрада од Дедо Мраз

Во овој период од годината сите се спремаат за Новогодишната Ноќ и претстојните празници, а секако и секој од нас има новогодишна желба.

Децата одвај чекаат да му ја напишат својата желба на Дедо Мраз и тој да им ја исполни.

Секако во овој период Дедо Мраз има најмногу работа.

За крајот на оваа година дедо ги праша познатите личности која е нивната новогодишна желба до Дедо Мраз.

Да видиме што одговорија внуците.

Живкица Каленикова – водителка

Желбите мои од мала не ги кажувам на глас само на Дедо Мраз, тоа останува меѓу нас, а посакувам сите да сме живи, здрави, полни со љубов, позитивна енергија и насмевки да има, да нема загадена зима, само сонце и убавини секое дете да прима!

Живкица

Ирена Спировска – водителка

Да сме сите живи и здрави,на секој да му се исполнат желбите,сите да бидат среќни и весели и со оние кои ги сакаат.

Многу работа ќе има Дедо Мраз.

Ирена Спировска

Татијана Стојановска – тв презентер

Здрaвје, љубoв, среќa,убaви мoменти сo семејствoтo и мнoгу успеси нa секoе пoле.

Дa ни биде гoдинaтa штo дoaѓa пoдoбрa oд претхoднaтa.

Среќнa и бериќетнa 2017.

Татијана

Васил Зафирчев – актер

Мир во светот и во нас самите, зошто само од позиција на мир и спокојство човек може да создава вистински убави и добри нешта за себе и за другите.

Васил Зафирчев

Лила Стојановска -тв водителка

Сакам Дедо Мраз да донесе снег, многу снег со што ќе се исчисти загадениот воздух.

Сакам да им донесе здравје на сите деца, да се активира македонската естрада и конечно некој да ги засени политичарите.

А, јас оваа година да ги водам Оскарите… толку.

Лила Стојановска

Александар Биљановски Дадар -стилист

Мојата желба би била следната: Да се смират бубачките во лудите глави околу нас и да подаруваме љубов и многу насмевки.

Дадар

Дарко Илиевски – пејач

Иако Дедо Мраз не постои, нека ни донесе на сите овде малце мир и спокојство и насмевка на лицето.

дарко илиевски