Секој хороскопски знак е приказна сам за себе. Едни простуваат брзо, другите чуваат лутина, трети ќе ви се одмаздат.

Овен
Овенот простува само ако почувствува каење. Тој многу лесно се навредува, но исто така може бргу да прости. Ако е многу навреден постои можност неколку дена да не сака да разговара со вас, но по некое време и тврдоглавиот Овен ќе попушти.

Бик
Одмаздољубивиот Бик тешко простува. Многу комплициран знак, особено ако се повреди неговото его или достоинство. Често е во состојба да го прекине пријателството ако заклучи дека спротивната страна го разочарала. Исклучително е лојален и верен пријател, а тоа го очекува и за возврат.

Близнаци
Близнаците не прават драма околу простувањето. Близанците ќе му простат секому кој искрено од нив бара прошка. Околу тоа никогаш нема да прават драма. Веруваат дека секој може да згреши. Најчесно ќе простат кога пријателите ќе им покажат колку си требаат еден на друг.

Рак
Ракот бара многу извинување. Знак кој често го менува расположението, а сака да се освети за работи кои му нанесле болка. Тешко простува измама или предавство. Ќе прости само ако види дека другата страна се потрудила да се извини и добро да му објасни дека се кае за постапката. Кај Раковите добредојден е знак на мало внимание.

Лав
Расправија? Која расправија? Лавот често ќе се изненади кога пријателите ќе му кажат дека ги повредил, бидејќи никогаш не размислува за своите постапки. Кога ќе дојде до кавга тој само ќе се повлече. Тој речиси никогаш не им се извинува на другите, но не очекува ниту пријателите нему да му се извинат.

Девица
Девицата простува со јасно извинување. Превртлива е по природа, често пати тврдоглава и злопамтило. Кај неа не е тешко да се искупите за своите гревови бидејќи таа често преувеличува сè околу себе.

Вага
Вагата сака да игра топло – ладно. Општо е познато дека таа сака да прави драма околу сè. Било каква кавга во животот нема добро да ја поднесе и можен е колапс на системот. Во еден момент ќе биде подготвена сè да прости, а во наредниот ќе се предомисли.

Скорпија
Ова е најтврдоглавиот хороскопски знак. Често е во состојба да го прекине долготрајното пријателство, бидејќи во него тлее доза на желба за одмазда, но и да им покаже на другите дека со него нема шега. Лутината на овој знак може да трае со години.

Стрелец
Стрелецот смета дека секој заслужува втора шанса. Тој е еден од ретките знаци кои ќе им простат на сите, бидејќи мисли дека секој заслужува втора шанса. Тој секоја приказна ќе ја согледа од сите страни. Ако пријателите му образложат зошто не биле искрени со него и ако види дека не го повредиле намерно Стрелецот без проблем ќе прости.

Јарец
Јарецот ќе се одмазди со злобни трачеви. Тој е исклучително горд и злопамтило и не простува лесно. Сака да озборува и често тие кои го повредиле, ќе бидат на мета на неговите злобни трачеви. Поради тоа повеќето пријатели се плашат да го повредат Јарецот бидејќи знаат дека лесно може да им го уништи угледот. Подмитувањето од било каков вид, со храна, подарок или пари, ќе го расположат овој знак.

Водолија
Водолијата е знак кој ќе им прости на сите свои пријатели бидејќи се смета за исклучително морална и чесна. Но, ако сфати дека одредени пријатели поседуваат лоша енергија и неповолно делуваат на неа, простувањето и понатамошното дружење ќе биде невозможно.

Риби
Рибите се еден од најгордите знаци во хороскопот. Многу тешко ќе им простат на пријателите кои што ги изневериле, а дури и ако простат, едно време ќе бидат на дистанца. Тие се водат со својата интуиција, па ако почувствуваат дека некому треба да му простат, ќе му простат, а ако не, тогаш е подобро таа личност да ја снема од нивниот живот.