Неколку знаци дека ви недостасува витаминот на сонцето

Од Nenad · Да му веруваш на Дедо! · 06 04 2022

Истражување од Харвард покажало дека милијарди луѓе ширум светот патат од недостаток на витамин Д.

Доколку избегнувате излегување на сонце, не консумирате одредени видови храна и додатоци на исхраната, можно е и вие сте дел од оваа бројка.

Витаминот Д е составен од седум витамини кои се синтетизираат под кожата под влијание на сонцето, односно со директно изложување на ултравиолетовите зраци, а може да се најдат во храната како рибиното масло, месото, млекото и млечните производи, жолчката и печурките.

Тој има важна улога при одржувањето на концентрацијата на калциум во телото, придонесува за силни коски и здрави заби, како и за посилен мускулен тонус.

Кога имате недостаток на витамин Д во телото, ќе ги забележите следните симптоми:

1. Кршливи коски

Телото престанува да гради коскена маса околу 30-тата година во животот, па недостатокот на витамин Д ќе ги забрза и влоши симптомите на остеопорозата која обично се јавува во третата животна доба.

Оние кои имаат недостаток на овој витамин ќе има и почести скршеници од останатите.

2. Болки во коските

Постојано присутната болка во коските може да е последица од одредена здравствена состојба, но за ова непријатно чувство може да биде виновен и недостатокот на витамин Д.

Доколку се сомневате на ова, треба да направите едноставна крвна слика за да проверите.

3. Лошо расположение

Клиничката депресија воглавно е директно поврзана со намаленото количество на витамин Д. Иако нема јасни докази за тоа, експертите веруваат дека недостатокот на витамин Д влијае при лачење на серотонинот, кој го одредува расположението кај луѓето.

4. Претерано потење

Претераното потење има бројни причинители, а еден од нив е малата количина на витамин Д во телото. Ако вашето лице постојано „сјае“ од големата количина пот што ја лачите, дури и кога мирувате во околина со просечна температура, направете тест за витамин Д.