НАСА кон крајот на март ги води жените во вселената?
Од Дедо · Браво Дете! ·

Вселенската агенција НАСА, на 29-ти март ја закажа првата прошетка во вселената само за жените, соопштиле од споменатата агенција.

Астронаутките Ен Меклејн и Кристина Кох ќе ја спроведат прошетката од Меѓународната вселенска станица (ISS), изјавила портпалорката на НАСА, Кетрин Хамлтон, пренесува британскиот Indipendent.

Според неа, жените, како што е советската астронаутка Светлана Савитскаја во 1984-та година, веќе шетале низ вселената, но овој пат за првпат прошетката ќе ја изведе женски астронаутски пар.

На Меклејн и Кох, од Земјата ќе им помага Кристен Факиол, која ќе биде со конзола во вселенскиот центар на НАСА, Џонсон, кој се наоѓа во Тексас. Рускиот вселенски брод Сојуз, ќе биде лансиран од космодромот во казахстанскиот Бајконур, а една недела пред прошетката, НАСА на меиумите ќе им објасни што точно ќе прават астронаутките.