Еден месец по венчавката, манекенката Хајди Клум доби неверојатен подарок од својот сопруг Том Каулиц, гитарист во бендот Токио Хотел.
“Денес пристигна необичен и посебен подарок од мојот сопруг, парче од Берлинскиот ѕид кој го делеше Источен и Западен Берлин 28 години. Мојот сопруг е роден зад ѕидот, во Источен Берлин, четири недели пред истиот да биде срушен во 1989. Тој можеше да ја осети слободата, радоста, уметноста и надежта. Секое утро ќе можам да го гледам ова преубаво парче во својата градина, со мисла дека ѕидови не треба да се градат, треба да се рушат” – напиша Хајди на својот Инстаграм профил.
Берлинскиот ѕид е подигнат во 1961 година и физички и идеолошки го делел градот Берлин, се додека не бил срушен во 1989.
Клум (46) и Том (30) својата венчавка ја прославија на 3 ти Август, на луксузна јахта на островот Капри.