Во последно време се проширија многу гласини дека старите предмети, како што се VHS касетите, имаат огромна продажна цена, особено ако се работи за касети со класичните цртани филмови на Дизни.

Според овие гласини, филмот “Убавицата и Ѕверот” држи највисока цена, особено ако на кутијата од касетата стои назнаката “The Classics” во црн дијамант.

Но, пред да дадете отказ на работа и да почнете да ги продавате старите VHS касети на интернет, има неколку работи кои треба да ги знаете.

Најпрво, треба да се напомене дека на интернет страните, како што е “eBay”, секој може да стави цена според личното убедување колку вреди предметот кој го продава, па има касети чија цена е до 25.000 долари, но тоа не значи дека некој навистина ќе ги купи по таа цена.

Второ, доколку пребарате винтиџ VHS касети од цртаниот филм “Убавицата и Ѕверот”, ќе видите дека има преку 4.000 производи, што значи дека и не се толку “ретки” како што мислите.

За да добиете поточна информации за вредноста на класичните VHS Дизни касети, треба да пребарате колку од нив се продадени и по која цена, по што ќе видите дека просечната цена се движи од 5 до 25 долари.

Во секој случај, можете да почекате уште некоја година за вредноста да им порасне уште повеќе, но сепак не треба да се надевате дека ќе можете да се пензионирате доколку продадете неколку стари касети на интернетот.