Владо Георгиев откри дека неговиот колега Здравко Чолиќ бил соработник на службите за државна безбедност на Србија.

Тој во интервјуто во српското радио „Накси“ вели дека Здравко за време на СФРЈ бил „шпион“ и дел од тајните служби, а тоа му помогнало за толку голема кариера.

„Додека Чола се држеше до сериозни соработници, имаше и добри песни. Ги набројуваше сите градови во песните, а тоа потврдува дека бил под контрола на службите за државна безбедност. Не беше можно тогаш толкава ѕвезда да ја наполни Маракана, а да не ја испее „Друже Тито, ми ти се кунемо“, вели Георгиев.

За ова пред пејачот зборуваше и Живан Велисављевиќ, соработник на УДБА кој тврдеше дека близок човек до Тито ја водел акцијата „Миљацка“, чија цела била контрола на младината со помош на музика.