Џена и Џилијан од САД се родиле со царски рез во октомври 2014 година како моно-моно близначки, што значи дека ја делеле плацентата, што се случува во една од 10.000 бремености.

Нивната приказна ги освои срцата на целиот свет затоа што на свет дошле држејќи се за раце. Фотографијата е направена недолго по породувањето и како пожар се прошири на социјалните мрежи.

Шест месеци по раѓањето, девојчињата не се одвојувале една од друга. Останале приврзани и гледано од страна, секогаш се чини дека се обидуваат да бидат што поблиску една до друга.

Нивните родители тврдат дека девојчињата задолжително се расплакуваат кога некој ќе се обиде да ги раздвои, а толку наликуваат една на друга, што само постариот брат со сигурност може да ги разликува.