Долго време се шушкаше за врската помеѓу Ријана и Дрејк, а синоќа истата беше и официјално потврдена.

За време на MTV видео наградите, раперот ја искористи приликата за да ја искаже љубовта кон пејачката, доделувајќи и ја наградата со највисока почест – „Michael Jackson Video Vanguard Award“.

„Таа е личностa во која сум вљубен уште кога имав 22 години. Тоа што е најимпресивно не е бескрајната листа на статистики, награди или достигнувања. Тоа што е најимпресивно е самата личност“, изјави Дрејк.

Дрејк исто така потенцирање дека со РиРи се блиски пријатели веќе 11 години и фактот што таа не дозволила нејзините достигнувања да го сменат нејзиниот карактер е за восхит.

Ријана му возврати со симпатична нежна насмевка и бакнеж на сцената кој ги изненади, но и стопи срцата на обожавателите.