Три песни од британскиот музичар Дејвид Боуви кои ги снимил за време на создавање на последниот албум „Black Star“ беа претставени оваа недела, а последната носи назив „Killing A Little Time“.

Песните „When I Met You“, „No Plan“ и „Killing A Little Time“ се снимени уште за време на правењето на последниот албум на популарниот музичар, кој почина во јануари оваа година, но биле чувани во тајност за премиерно да бидат изведени во бродвејскиот мјузикл „Lazarus“.