Актерот Хју Лори, кој стана познат со улогата во серијата „House“, беше почестен со своја ѕвезда на Холивудската патека на славните.

57-годишниот актер гордо го прими признанието и позираше со своите колеги покрај 2.593-тата ѕвезда на реномираниот булевар.

„Престанав да ги бројам младите луѓе што сум ги запознал, а кои студираат или се занимаваат со медицина, бидејќи го имаат гледано House. Денес постојат лекари кои спасуваат животи и носат бебиња на овој свет, бидејќи нивната имагинација се разгорела од приказните и идеите и можностите кои инаку не би ги зеле предвид“, изјавил познатиот Англичанец.