Еден американец сè уште не знае кој победил на претседателските избори во неговата земја и воопшто не сака да дознае.

Џо Чендлер од американската држава Џорџија, ја преспал вечерта кога бил прогласен победникот на претседателските избори во САД, без да знае кој станал претседател, Клинтон или Трамп.

“Ме повикаа во изборната ноќ да ги чекам резултатите заедно со сите, па помислив. сигурно постои подобар начин”, вели Џо.

Тој одлучил да замине на спиење пред објавата на резултатите, со намера да дознае кој победил следниот ден.

Но, кога се разбудил целосно мирен, одлучил да почека до попладне, а потоа заклучил дека е најдобро да не дознае што е можно подолго.