Една од најуспешните тенисерки во историјата, Серена Вилијамс се вери со основачот на социјалната мрежа „Редит“, Алексис Оханијан.

„Дојдов дома, малку подоцна од вообичаено. Ме дочека спакувана патничка торба и автомобил што ме одвезе до аеродром. Дестинација: Рим. Таму со придружба ме однесоа до мојот сакан. До местото каде што прв пат се сретнавме. До истата маса каде што случајно се видовме, клекна на едно колено и изговори четири збора. Реков ДА!“, напиша Серена за запросувањето.

Алексис на постот и коментирал дека го направила најсреќниот маж на светот.

„УС Викли“ уште во октомври 2015 година објави сторија дека Оханијан и Вилијамс се заедно, но после тоа не се зборуваше многу за нивната врска.

Сега одлучија со цел свет да споделат колку се среќни.