На интервју со дедо на ретро муабет овојпат го седнавме македонскиот пејач Андреј Ѓеорѓиески, познат како Андреј ДНК.

Дедо го врати пејачот низ годините прашувајќи го за неговиот дедо, а тој со насмевка раскажуваше за убавите спомени.

Внукот кој уште од мали нозе е вљубен во музиката, концизно и со кратки одговори му раскажа на дедо по што го памти својот дедо, каков бил и убавите спомени кои му останале од него.

Погледнете што шегобиецот му раскажа на дедо.

ДЕДО: Внучко опиши го својот дедо со три зборови:

Андреј: Дедо, тој беше ќелав со косица од страна и големи бркови.

ДЕДО: Внуче, што те научил твојот дедо, а до ден денес го практикуваш?

Андреј: Искрено дедо ми ме научи како да го негувам големиот брк.

ДЕДО: Кажи ми внуче кој е твојот омилен спомен со твојот дедо?

Андреј: Омилен спомен од дедо ми, ми е сукалото кое ми го остави со кое го тепаше баба ми.

ДЕДО: Внучко имаш ли некаков аманет од твојот дедо?

Андреј: Искрено во аманет ми остави пиење на пиво.

Дедо извини што не најдов фотографии со мојот дедо, но единствената која ти ја дадов потврди дека навистина си личиме. Нели ?