Британскиот пејач Гери Барлоу, поранешен фронтмен на групата „Take that“ и судија на британскиот „Икс фактор“, на Твитер призна дека не ја измил косата цели 14 години.

„Ова е важен ден за мене. Ја измив косата прв пат после 14 години“, твитнал пејачот.

Обожавателите веднаш возвратија со коментари од типот: „Следниот пат кога ќе ја миеш ќе имаш 60 години“ и „Веројатно има некој што повремено му ја мие косата наместо него“.

It's such an important day I've washed my hair ! First time in ……. 14 years ! #nojoke

— Gary Barlow (@GaryBarlow) January 28, 2017

Во светот инаку има приврзаници на движењето „No poo“, термин за методи на миење на косата без комерцијални шампони.

Некои од нив воопшто не ја мијат косата, а други хигиената ја одржуваат со користење на помалку штетни хемикалии, како обичен сапун или прашок за печиво.