Педесетгодипната актерка завчера се приклучи на социјалната мрежа Инстаграм и ја објави својата прва фотографија – селфи со колегите од популарната серија „Friends“.
„Сега сме пријатели и на Инстаграм“, напиша Анистон во нејзината прва објава на популарната социјална мрежа.
Веднаш почнаа заследувања и коментари во огромен број, што дури доведоа до технички проблеми и некои корисници не можеа да ја заследат актерката.
Актерката успеа со нејзиното приклучување на Инстаграм да го сруши светскиот рекорд за најбрзо време во кое еден профил добил 1 милион следбеници – таа го сруши рекордот за 5 часа и 16 минути.
Претходно рекордот го држеа британскиот принц Хари и неговата сопруга Меган Маркл. Профилот @sussexroyal стигна до милион следбеници за 5 часа и 45 минути.
Анистон во моментов има 11,3 милиони следбеници.
