Кристијано Роналдо претрпел делумно прекинување на лигаментите на коленото поради што би можел да отсуствува од тренинзите и до 5 месеци, пишуваат странските медиуми.

Доколку овие сомнежи се потврдат Роналдо ќе го пропушти суперкупот на УЕФА во кој се среќаваат Реал Мадрид и Севиља, но и воведениот дел на фудбалската сезона 2016/17.

Се додава дека португалскиот напаѓач не посетил болница по завршувањето на натпреварот против Франција во финалето на Европското првенство кога и се здоби со повредата, па потребно е да се направат уште тестови за да се воочи сериозноста на повредата на неговото лево колено.

Роналдо бил приморан да го напушти тревникот во середината на првото полувреме од натпреварот за европски првак. Се обидел да продолжи да игра но поради големата болка го напуштил теренот на носилка.