Славниот актер Харисон Форд за малку ќе предизвикал тешка авионска несреќа.

Форд летајќи во својот приватен авион за малку ќе предизвикал судар на аеродромот „Џон Вејн“ во Калифорнија.

74-годишниот актер направил кардинална грешка и, како што пишува Ен-би-си, ја заменил лентата за полетување со лентата за слетување и при слетувањето пролетал непосредно над авионот „Боинг 737“ на „Американ ерлајнс“ во кој во тој момент биле 110 патници и членовите на екипажот.

Сојузната агенција за воздухопловство веднаш почнала да го истражува овој инцидент, а се зборува дека актерот, ако се покаже дека е виновен, би можел да ја изгуби пилотската дозвола.

Тоа не е првпат Форд да има невољи при пилотирање, така што пред две години беше тешко повреден при принудно слетување на голф игралиштето откако на авионот со којшто управувал му откажал моторот.