До пред десет дена одев на деловни состаноци. На вечера со пријателите. Во теретана. На фризер. И вообичаените здодевни работи ги правев без многу двоумење. Никогаш не помислив дека со тоа можам некому да му наштетам… “, признава госпоѓата во видеото кое започна да кружи на социјалните мрежи пред неколку дена.

Во видеото зборуваат оние кои се нашле во епицентарот на заразата од коронавирусот. Жителите на Италија, на преубавиот град Бергамо, Бреша и Милано, во последниве недели преживуваат најтешки мигови од кога знаат за себе.

А до неодамна сè било во ред. Зборуваат така и самите. Рестриктивните мерки за да се спречи ширењето на вирусот се вовеле предоцна.