Доколку вашето цвеќе изгледа дека умира, потребно е да знаете дека листовите можат да заздрават доколку се стеблата цврсти и зелени, а коренот здрав.

Сте се вратиле од одмор и сте начекале „уморни“ и овенати билки… Без паника, веројатно можете да ги спасите.

Се додека ќелиите се живи и можат да впиваат вода, постои надеж за овенатата билка.

Најпрво, обилно полејте ја со вода, па исечете ги сосема исушените листови, за останатите побрзо да заздрават.
Откако земјата ќе се исуши, налејте повторно вода, но немојте да претерате, за да не дојде до гниење на коренот.

Со прст проверете ја земјата, доколку е сува на допир, повторно налејте. И листовите испрскајте ги со вода, бидејќи може да помогне билката побрзо да се врати во живот. Направете чај од коприва, оладете го и додадете во саксијата. Истото можете да го направите и со оладената вода, во која се варело овошје и зеленчук, бидејќи така во земјата враќате минерали.

Стеблата се најдобар показател дали вашата билка е овената или се уште има спас. Листовите можат да заздрават доколку се стеблата цврсти и зелени, а коренот здрав.