Главните проблеми во конзумирање на овошје и зеленчук е чистење на површината од нечистотија, хемикалии, прашина и други супстанции кои се држат на површината.

Само миење со вода пред употреба често не е доволно . Ова се однесува особено за плодови што тешко се мијат поединечно, како грозје , јагоди, боровинки, и сл.

Еве едно едноставно решение за овој проблем.

Земете голем сад и наполнете го со вода . Во водата, додадете оцет (по можност јаболков) во сооднос од најмалку 1:10 (5 литри вода половина литар оцет). Добро промешајте и ставете овошјето и зеленчукот да отстојат 10-15 минути. Водата треба да биде на собна температура.

По 10-15 минути, извадете го овошјето или зеленчукот и исплакнете го со чиста вода.

Ќе видите како растворот од вода и оцет е валкан по постапката. Сите хемикалии , пестициди , нечистотија и бактерии ќе останат во неа.

Истата течност може да се користи неколку пати во еден ден , по што треба да се истури.