Откако стапил на сила полицискиот час во нејзиниот роден град, таа наместо кучето го ’шеташе’ својот партнер на поводник надвор од домот.

Казната за непочитување на полицискиот час во Квебек е 1.500 американски долари.

Парот од Шербрук, град оддалечен околу 150 километри од Монтреал, им рекле на полицијата дека „носењето куче на прошетка на поводник“ всушност е исто како „водењето на маж на поводник“.

За канадски Хафингтон пост, портпарол на полицијата во Шербрук потврди дека парот е забележан како се шета по 21 часот, поточно по полицискиот час.

Кога полицаецот се доближил до 24-годишната девојка која го водела 40-годишниот маж на поводник, таа одговорила дека штотуку го однела своето куче на прошетка и дека ова е исклучок одобрен од локалните власти. Полицаецот изјавил дека имал впечаток дека жената го провоцира.

Треба да се напомене дека ниту прописите на Квебек ниту сојузната влада не содржат одредба според која на поводник, како дел од „играњето улоги“, некој може да се однесува на овој начин.

Единствениот исклучок за време на полицискиот час се однесува на луѓе кои ги шетаат четириножните миленичиња.

Во провинцијата Квебек, каде што живее парот, на граѓаните не им е дозволено да го напуштаат домот од 20 до 5 часот наутро, а мерката ќе биде во сила уште четири недели.