За прв пат во Скопје, во дискотеката “Central Park Summer Club“ во градскиот парк, Иноватива Груп Ви го претставува Криско, еден од најпопуларните и најслушаните Хип Хоп, Поп и RnB артисти на Балканот.

Неговите хитови на You Tube каналот бројат повеќе од 120 милиони прегледи што го вбројува во групата најслушани музички артисти на овие простори. Кариерата на Криско се развива во две насоки: едната како артист и изведувач, а другата како музички продуцент и текстописец.

На македонската јавност Криско и’ е познат и по последната соработка со нашиот најпознат Хип Хоп артист Слаткаристика на песната “Тик Так“.

Во текот на 2015та година тој беше дел и од жирито на најгледаното музичко реално шоу X-Factor Бугарија. Публиката во Скопје, за прв пат на 12.06.2016(недела), со почеток во 00:00ч ќе има можност во живо да ги слушне големите хитови како “Видимо Доволни“, “Наздраве“, “Шапка ти свалям “, “Ела и си вземи“, “Идеал Петроф“, “Било квот било“ …

На настапот Криско ќе биде придружуван од 2 танчерки, a како локална поддршка пред неговиот настап атмосферата ќе ја загреат 2Бона и DJ Че.
Влезните билети за настанот во претпродажба може да се набават преку продажната мрежа на MKTickets по цена од 200ден., а на денот на настанот, на влез од дискотеката “Central Park Summer Club“ ќе чинат 300ден.