Поп кралицата Мадона добила дозвола за да посвои уште две деца од Малави, после одлуката која ја донел судот во оваа африканска земја.

“Судот денес одлучи дека таа може да продолжи со постапката за посвојување. Во текот на годината таа треба да ни даде извештај за истражувањето во домот”, рече портпаролката на судство на Малави.

Неколку извори тврдат дека Мадона планира да ги посвои четири годишните близначки, по име Естер и Стела, иако нема никакви детали за девојчињата во јавноста.

Пејачката претходно посвои две деца, исто така од Малави, Дејвид Банда и Мерси Џејмс, а има и две биолошки деца, Лордс и Роко од нејзините претходни врски со Карлос Леон и Гај Ричи.