Македонската радио и телевизија одлучи пејачката Јана Бурческа да нè преставува на Избор за песна на Евровизија во Киев, следната година.

Од МРТВ велат дека имајќи го предвид фактот дека според правилата на ЕБУ, секој национален радиодифузер има целосно право и слобода на избор на форматот низ кој се одлучува актуелниот национален претставник и заради тоа, МРТ решила на овој престижен и реномиран музички натпревар, честа за претставување на јавниот национален радиодифузен сервис и Македонија да ѝ се довери на Бурческа.