Селена Гомез можеби го има Инстаграм профилот кој го следат најмногу луѓе, но таа не е највлијателната славна личност на оваа социјална мрежа.

Според „D’Marie Analytics“, највлијателната славна личност на Инстаграм е Бијонсе, а само една нејзина објава чини над 1 милион долари.

Бијонсе е првата личност чија објава надмината вредност над 1 милион долари, а Селена Гомез досега најмногу што заработила од објава е 775.000 долари.

Од компанијата велат дека влијателноста на Бијонсе значително пораснала по објавата за нејзината бременост, кој многу брзо стана најлајкуваната објава на Инстаграм.