Ексцелзиор хотел Галија во Италија е место каде се наоѓа најдобриот, најлуксузниот апартман за 2017 година, според изборот на реномираните „World Travel Awards“.

Апартманот Катара, којшто втора година по ред е прогласен за најдобар, воедно е и најголем апартман во Милано, со површина од 1.022 квадратни метри.

Во овој гламурозен простор може да се сместат до осум лица, има четири спални, неколку приватни тераси, прозорците се блиндирани, а лустерите се изработени од мурано стакло.

Гостите може да уживаат и во приватна спа зона со турска бања и сауна.

За апартманот се вели дека е посебно погоден за сместување на дипломати, бидејќи за пристап до него има и директен, т.н. дипломатски влез.