Небесното тело означено како 2006 QQ23 треба да прелета покрај Земјата на 10 август, а со оглед дека неговиот дијаметар околу 570 метри, некои изразија загриженост.

Но, астрономите Линдли Џонсон и Кели Фаст од Канцеларијата за координација за планети на НАСА велат дека нема од што да се плашиме.

„Станува збор за астероид со средна големина што ќе прелета на оддалеченост од 8 милиони километри . Значи, тоа е повеќе или помалку безопасно небесно тело“, изјавила Џонсон.