Проектот „Triple Win“, кој е во рамките на германската организација за меѓународна соработка ГИЗ, го објави последниот конкурс за вработување медицински сестри и општи и педијатриски техничари во Германија.

Пријавите се примаат до 4 октомври, а во моментов постои огромен интерес за педијатриски медицински сестри кај германските работодавци.

Пријавите се доставуваат до Националната служба за вработување и главниот услов за заинтересираните е да имаат завршено четиригодишно медицинско училиште.

Кандидатите исто така треба да имаат минимум шест месеци искуство во последните пет години. Познавање на германски јазик за влез во проектот не е потребно.