Најпознатата пејачка од Британија, Адел со помош на новата диета успеа да ја доведе линијата во ред. Извори блиски на пејачката наведуваат дека таа во изминатите неколку месеци ослабела 15 килограми, благодарение на книгата “The Sirtfood Diet” која излезе во Велика Британија во јануари.

Пит Герасимо, долгогодишниот тренер на Адел, е фан на овој начин на исхрана за кој истражувањата покажаа дека помага за регулирање на метаболизмот.

Авторите на диетата се сертицифираните нутриционисти Глен Матен и Ејдан Гогинс, нутриционист и фармацевт, а диетата се заснова на консумирање намирници богати со сиртуин.

Тоа се: кељ, јагоди, агруми, маслиново масло, темно чоколадо, зелен чај, црвено вино, јаболка, црвен лук, магдонос, кромид, боровници… Месото не спаѓа во овој збир на намирници, но е дозволено. Важно е само да не ги замени “сиртуин” намирниците.

Диетата всушност е прилично рестриктивна. Првите три дена исхраната е ограничена само на 1.000 калории, следните четири дена се јадат по 1.500 калории, со два оброка и два смути пијалоци.

После првите седум дена се јадат одредени “сирт” намирници во неограничени количини.

Гогинс и Матен ја тестираа диетата исклучиво на испитаници кои секојдневно вежбале, а сите испитаници во просек изгубиле по три килограми за седум дена.

Нутриционистите нагласуваат дека ова е пред се режим на исхрана, а не драстична диета за нездраво губење на килограми. Целта на исхраната е да се зајакне метаболизмот и имунолошкиот систем, како и да се подобри општата здравствена состојба.