Археолозите во египетскиот град Абидос откриле пивара стара 5.000 години, што може да произведе илјадници литри пиво.

Веста ја објави египетското Министерство за туризам и антиквитети.

Министерството додава дека пиварницата веројатно потекнува од времето на кралот Нармер, последниот крал на прет-династичкиот период (3300-2900 п.н.е.).

Археолозите веруваат дека пивото се користело за време на ритуалите на кралските погреби на најраните египетски кралеви.

Пиварницата, чиј производствен капацитет бил 22.400 литри, е поделена на осум делови со 40 садови од глина за загревање мешавина од житни култури и вода.