Џастин Бибер вечерал во еден ресторан во британски Есекс и испил една чаша млеко.

Келнерите не сакале да ја измијат чашата, туку одлучиле да ја продадат на Ибеј.

„Не можевме да веруваме кога влезе во ресторанот. Тој беше многу релаксиран, разговаравме со него за се и сешто. Дури му раскажувавме и приказни за духови, затоа што овој ресторан наводно е проколнат“, изјавила една од келнерките.

„Тој брзо мораше да си оди за да ја избегне толпата фанови кои веднаш би стигнале ако знаеа дека е таму. Откако тој замина, пристигнаа некои деца од блиското училиште на кои им го дадовме неговото шише со вода, но чашата одлучивме да ја оставиме за себе. За забава ја ставивме на иБеј да видиме колку можеме да добиеме за неа“, рекла келнерката.

Аукцијата почна со минимална сума од десет фунти, но сега веќе достигна сума од 65.900 фунти.