Полицијата разгледува нов исказ кој доаѓа од Драган М. од Борча, кој тврди дека може да го промени текот на истрагата за убиството на Јелена Крсмановиќ.

Потрагата по убиецот трае веќе 46 дена, а новиот сведок вели:

„Триесет години живеам кај каналот во Борча и ги познавам сите луѓе кои таму трчаат. Некој не ги познавам лично, но на изглед би ги препознал. Јас никогаш не сум ја видел убиената пејачка таму, тоа го тврдам. Не знам зошто нејзиниот сопруг Зоран тврди дека таа секојдневно тука трчала, па уште пред убиството“.

Исказот на Драган дека Јелена не трчала на насипот го потврдија уште неколку жители од околината.