Вискоите температури се во значителен пораст изминативе години.

Долго изложување на главата на сонце, особено директна изложеност на висока температура, доведува до сончаница.

Симптомите на сончаница почнуваат со силна главоболка и со зголемување на телесната температура, поспаност и вртоглавица, зуење во ушите или краткотрајна загуба на слухот. Кај помладите кои долго се сончаат чести симптоми се умор и малаксаност, а кај постарите може да дојде и до несвестица.

Освен поради прекумерно изложување на сонце, топлотен удар може да настане и поради влажен и презагреан воздух, бидејќи во такви услови е отежнато потењето, а се јавува најчесто кај работници во пекарници, кујни, но и во презагреан автомобил, неклиматизиран јавен превоз.

При топлотен удар или сончаница, мора веднаш да се почне со разладување. Важно е постепено разладување со ставање ладни облоги, се додека температурата не се врати во нормала.

Многу е важно да се надомести изгубената течност и минерали, да се даваат ладни напитоци, но да се избегнуваат пијалаци кои влијаат на крвотокот, особено кафе и алкохол.

Пет чаши вода дневно се доволни за хидратација на деца од 5 до 8 години, седум чаши за деца од 9 до 12 години, а осум до десет чаши вода за деца постари од 13 години и за возрасни, препорачуваат експерите.

Јадете свежо овошје и зленчук, немасно месо и риба, житарки, семки и немасни ферментирани млечни производи (јогурт, кефир), чорби и супи за надоместување на електролитите изгубени со потењето.

Избегнувајте обилни оброци и масна храна.