Како што јавува БиБиСи пиратските игри кои ги симнувате од интернет се многу опасни за вашаиот компјутер затоа што преку нив хакерите без проблем можат да влезат во вашата машина и да ја користат за копање на криптовалути.

Како што објави Би-Би-Си, „бесплатните“ верзии на видеоигри како што се „ГТА 5“, „НБА 2К-19“ и „ПЕС 2018“ не се обични пиратски верзии на игрите, туку содржат вирус наречен „Креконош“, што го користи хардверот на други лица за рударење криптовалути и за заработка.

На пример, кога се презема пиратската „ГТА 5“, компјутерот почнува да работи со поголем интензитет, забавува и троши повеќе енергија. „Креконош“, исто така, ги исклучува сите безбедносни програми на туѓиот компјутер, така што тој е изложен и на други вируси и малициозен софтвер.

Компанијата за интернет-безбедност, „Аваст“ наведува дека пиратските верзии на игрите се најчестиот начин на ширење на „Краконош“ и се бележат 800 напади дневно. Според статистиката, хакерите досега „ископале“ криптовалути во вредност од два милиони американски долари преку пиратски игри и туѓ хардвер.