Постои ресторан во Саудиска Арабија каде не се фрлаат многу остатоци од храна. А причина за тоа се казните кои гостите треба да ги плаќаат доколку не изедат се’ што нарачале.

Сопственикот на овој ресторан всушност сакал да ги поттикне клиентите на економичност, но сакал да им даде до знаење дека не треба да претеруваат со храната, што е правило во исламот.

Новитетот на ресторанот, кој се наоѓа во градот Дамам, предизвика силна дискусија на неистомисленици.

Некои сметаат дека тоа е сосема во ред, а други пак велат дека сопственикот нема право да воведе вакво правило кое ги ограничува гостите и дека ресторанот ќе загуби многу клиенти.