Во текот на годината што изминува компанијата Кожувчанка од Кавадарци донираше многупати онаму каде што помошта е најпотребна.

Така и денес, на крајот од истата, оствари донација на Воспитно поправниот дом за деца штитеници од Тетово.

Грижејќи се за здравјето на децата штитеници и нивната физичка активност, Кожувчанка ДОО им подари спортска опрема, тренерки, маици и фудбалски топки.

Исто така, за потребите на Воспитно поправниот дом обезбеди и средства за дезинфекција и хигиена, како и пијалоци.

Оваа донација на компанијата Кожувчанка, со своето присуство како поддршка, ја поздравија и Министерот за правда г-дин Бојан Маричиќ и Претседателот на Основен Суд-Кавадарци, г-динот Лазар Нанев.