На сите ни е познато чувството на умор и нервоза по непроспиена ноќ.

Но, постојат уште некои начини како непроспиената ноќ влијае на нашиот организам, а научно се докажани.

1. Депресивни сме

Истражување од 2008 година откри дека оние кои спијат помалку од шест часа, другиот ден се чувствуваат депресивни, кај нив е забележано и високо ниво на стрес.

2. Јадеме повеќе и нездраво

Што се случува како наместо осум часа сон, спиеме само половина од тоа? Другиот ден јадеме 560 калории повеќе и одбираме главно масна и нездрава храна.

3.Изгледаме полошо и потажно

Две различни истражувања на Универзитетот во Стокхолм споредувале слики од испитаници кои биле будни нешто повеќе од 30 часа со фотографии од оние кои ноќта преспале осум часа. Се сложиле дека ненаспаните испитаници се помалку атрактивни, а во другиот експеримент опишаче дека изгледаат како тажни луѓе, кои очигледно ги мачат проблеми.

4. Се чувствуваме „исклучени“

Помалку сон ни дава чувство дека не сме пожелно друштво кај другите луѓе, поради ова се чувствуваме вознемирено.