Фондацијата “Никола Јанчев“ донираше комплетен систем за централен довод на кислород до секој кревет во модуларната Ковид болница во склоп на Општа болница со проширена дејност Кавадарци.

Системот е поврзан со линии за централен доток на кислород, со што се олеснува работата на медицинскиот персонал и безбедноста на здравјето на пациентите.

Набавката и монтажата на целокупниот систем за централен довод на кислород е во вредност од 1,5 милион денари, средства обезбедени од фондацијата Никола Јанчев и компанијата Кожувчанка.

Фондацијата “Никола Јанчев“ е основана на 14.02.2018 година.

Основач е г-дин Митко Јанчев, актуелен Градоначалник на Општина Кавадарци.

Фондацијата има една единствена цел, да им се помага на луѓето преку хуманитарни активности.